Nagadahom ang isa ka gasoline attendand nga magapadayon ang pagnubo sang presyo sang produkto nga petrolyo sa mga madason nga semana agud nga makabenepisyo pa ang mas madamo nga mga motorista.
Sa interview sang Bombo Radyo Koronadal kay Ms. Mary Anne Mamon, isa ka gasoline attendant ginpahayag sini nga madamo sang nalipay tungod sa pagnubo sang produkto nga petrolyo sa subong nga semana sa diin apisar nga piniso-piso ang nabuhin sa kada litro sang gatong, naga pati ini nga dako na ini nga bulig sa mga transport sector nga adlaw-adlaw nga naga biyahe agud nga magpangita para sa ila nga pamilya.
Dugang pa sini, masami man sila nga makabati sang reklamo sang pila ka mga tricycle drivers nga kun tion sang pagnubo sang presyo sang gatong, tuman ka dyutay lang ini apang kun pagsaka gani ang presyo sini, tuman man ka mahal ang nagadugang sa kada litro nga gasto sang mga ini sa pang-adlaw-adlaw nila nga biyahe.
Nagapanawagan naman ini sa tanan nga mga motorista nga maghinangpanay nalang sa tunga sang indi istable nga presyo sang gatong bangud wala sila mahimo sa presyo sini kay naga sunod lamang sila sa ila nga trabaho.
