Ginpasiguro ni Energy Regulatory Commission (ERC) Chairperson Atty. Francis Juan nga indi na ibalhin sa iban nga balaydan ang plano nga pagkakas sang systems loss charge sa bill sang kuryente.
Suno sa iya, handum sang gobyerno nga madula ini nga bayad kag indi lang ibalhin sa iban nga kategorya.
Apang kinahanglan gihapon mahibaluan kun sin-o ang magsabat sa gasto nga ginatabunan sang amo nga charge.
Nagpahayag man ang ERC nga preparado ini magbuligay sa Kongreso, Department of Energy (DOE), kag iban pa nga stakeholders para sa kinahanglanon nga reporma.
Samtang, ginpahayag ni Juan nga mataas gihapon ang presyo sang kuryente sa Pilipinas bangud sa epekto sang tensyon sa Middle East nga nakaapekto sa presyo sang gina-angkat nga petroleum products sang pungsod.
