Nagpatigayon ang militar sang Israel sang isa ka malapnagon nga operasyon sa gin-okupar nga West Bank, kun sa diin gin-atake ang pila ka banwa kag baryo kag gin-arestar ang ginatos nga Palestinians.
Ini nagsunod sa engkwentro sa isa ka baryo malapit sa Nablus nga nagresulta sa pagkapatay sang apat ka Palestinian kag duha ka Israeli soldiers.
Suno sa mga opisyal sang Israel, ini ang rason sang ila ginpatuman nga mas istrikto nga operasyon sa rehiyon.
Samtang nagpadayon ang operasyon, nagdamo man ang mga pag-atake sang mga Jewish settlers batok sa mga Palestinian.
May mga report sang pagsunog sa duha ka mosque, lakip ang Al-Rahma Mosque sa Qusra nga ginbutangan pa sang mga sulat nga nagapakita sang pagpanimalos.
Ginpahayag man nga nagpatigayon ang Israeli forces sang mga pagatake sa nagkalain-lain nga lugar sa West Bank kag nagpatuman sang madamo nga checkpoint kag restriksyon sa trapiko.
Samtang, suno sa Palestinian news agency, madamo nga residente ang gin-arestar sa nagkalain-lain nga siyudad, lakip ang Tal, Ramallah, Jenin, Hebron, Bethlehem, kag Tulkarem.
