Ginpahayag ni NBI Director Melvin Matibag nga ang publiko nga pag-angkon ni Vice President Sara Duterte nga nagkuha siya sang isa ka tawo nga magpatay kay Presidente Ferdinand Marcos Jr. kon may matabo sa iya nagapakita sang “consummated betrayal of public trust.”
Sa ikasiyam nga adlaw sang impeachment trial, siling ni Matibag nga ang amo nga pahayag nagaguba sang pagsalig sang publiko kag nagasumpaki sa panumpa sang Bise Presidente nga magpatuman sang Konstitusyon kag kasuguan.
Nagpangayo ang kampo sang depensa nga kakson sa opisyal nga rekord ang pahayag ni Matibag, apang ginbasura ini sang impeachment court.
Gindepensahan naman ni Lead Impeachment Prosecutor kag Batangas Representative Gerville Luistro ang testigo, nga nagasiling nga ang sabat ni Matibag direkta lang nga nagsabat sa pamangkot sang depensa.
Sa karon, padayon nga ginapatigayon ang impeachment trial batok kay VP Sara Duterte nga nagalakip sang culpable violation of the Constitution, graft and corruption, betrayal of public trust, bribery, kag iban pa nga ginakabig nga high crimes.
