Gin-aprubahan sang Senate impeachment court sang Lunes, Hulyo 20, ang kahilingan sang House prosecution panel nga magpaguwa sang subpoena para sa bank records, Anti-Money Laundering Council (AMLC) reports, kag iban pa nga financial documents ni Vice President Sara Duterte kag sang iya bana nga si Atty. Manases Carpio.
Sa ikapito nga adlaw sang impeachment trial, ginpahayag ni Senate impeachment court Presiding Officer Francis “Chiz” Escudero nga may igo nga basehan ang pagpangayo sang mga dokumento bangod may kaangtanan ini sa Article II sang Articles of Impeachment, nga nagahisgot sa gin-alegar nga indi maathag nga manggad sang Bise Presidente.
Ginpaklaro sang korte nga ang mga records indi pagagamiton sa pagsaka sang bag-o nga kaso batok kay Duterte, sa baylo para usisaon ang iya financial background kag ikumpara ini sa iya mga propiedad kag transaksyon samtang nagaserbe sa pwesto.
Gin-aprubaran man sang korte ang pagpangayo sang bank records ni Manases Carpio bangud sa ila absolute community of property, kag ang records sang 19 ka kumpanya nga ginakabig may kaangtanan sa mag-asawa.
