Ginpasiguro sang Provincial Disaster Risk Reduction and Management Office (PDRRMO) sang South Cotabato nga bukas 24/7 ang ila Incident Command Post agud gilayon kag madasig nga makaresponder sa tanan nga report sa tunga sang padayon nga pag-ulan nga dala sang southwest monsoon ukon habagat kag selebrasyon sang T’nalak Festival 2026.
Sa interview sang Bombo Radyo Koronadal, ginpahayag ni Provincial Disaster Risk Reduction and Management Officer Rolly Doane Aquino nga padayon ang ila monitoring sa kahimtangan sang panahon kag sa sitwasyon sa bug-os nga probinsya.
Suno kay Aquino, ginapalig-on man sang PDRRMO ang koordinasyon sa mga nagkalain-lain nga ahensya kag local government units agud masiguro ang kahilwayan sang publiko kag mga bisita nga magatambong sa mga aktibidad sang T’nalak Festival 2026, kag agud magilayon ang pagresponde kun may emerhensya nga matabo sa panahon sang selebrasyon.
Ginpanawagan man niya ang publiko nga magpabilin nga alerto kag padayon nga magmonitor sang mga opisyal nga advisory sang mga awtoridad.
