Nagtaliwan na ang Father Emir sang Qatar nga si Sheikh Hamad bin Khalifa Al Thani sa edad nga 74, suno sa report.
Bangud sini, nagdeklara ang Qatar sang apat ka adlaw nga pampubliko nga pagpanumdum halin Lunes. Suspendido ang obra sa mga ahensya sang gobyerno kag pampubliko nga mga opisina, samtang ipanubo sa tunga sang poste ang mga flag.
Nagserbi bilang Emir sang Qatar si Sheikh Hamad halin 1995 tubtob 2013 kag ginakabig nga isa sa mga nagpatigayon sang dako nga pagbag-o kag pag-uswag sang pungsod.
Sa iya pagpanguna, nangin isa ang Qatar sa pinakamalapad nga exporter sang liquefied natural gas (LNG) sa kalibutan kag nagbakod ang iya ekonomiya kag internasyonal nga impluwensya.
Sang 2013, boluntaryo niya nga gintugyan ang liderato sa iya bata nga si Sheikh Tamim bin Hamad Al Thani.
Samtang, nagpalab-ot sang ila pagpakigunong ang nagkalain-lain nga lider sa kalibutan bilang pagpasidungog sa iya liderato kag kontribusyon sa pag-uswag sang Qatar.
