Matapos ang pila ka bulan nga mga huring-huring kag espekulasyon, opisyal na nga ginkumpirma nga nagbulaganay na ang South Korean singer-actress nga si IU kag actor nga si Lee Jong-suk matapos ang apat ka tuig nila nga relasyon.
Pareho nga ginpamatud-an sang ila mga ahensya ang ila pagbulagay.
Ginpahayag man sang duha ka ahensya nga nagdesisyon sila nga magpabilin bilang “maayo nga mga kaupod sa trabaho.”
Base sa mga report sang lokal nga media kag sa isa ka source nga pamilyar sa ila relasyon, ang tuman ka busy nga iskedyul sang duha amo ang isa sa mga rason nga nagdul-ong sa ila pagbulaganay.
Madamo nga mga fans ang nalipay sang una sa ila relasyon kag subong nasubo sang ila pagbulaganay, nga ginakabig sang iban bilang isa sa pinakadako nga celebrity breakup sang sini nga tuig.
Una nga nagkilalahay sanday IU kag Lee Jong-suk kag nangin suod nga mag-abyanay sang 2012 sang nangin co-host sila sa South Korean music program kun sa diin ginkumpirmar nila ang ila relasyon sang ulihi nga bahin sang 2022.
