Gindugangan sang kapulisan ang ginarekomendar nga kaso sa kamatayon sang duha ka atleta sang Ateneo.
Gindugangan sang Philippine National Police (PNP) ang ginarekomendar nga mga kaso batok sa mga ginatudlo nga responsable sa pagkapatay sang duha ka atleta sang Ateneo de Manila University.
Suno sa Criminal Investigation and Detection Group (CIDG), gindugang nila ang kaso nga homicide batok kay coach Tab Baldwin, kag Reckless Imprudence Resulting to Multiple Homicide batok sa walo pa ka iban nga indibidwal.
Magluwas pa sini, dugang ini sa una na nga ginrekomendar sang CIDG sang nagligad nga semana nga kaso sang paglapas sa Anti-Hazing Law batok kay Baldwin kag 10 pa ka iban.
Ginpahayag sang CIDG nga igapasa na nila sa Department of Justice (DOJ) ang ebalwasyon kag pagdesisyon sa mga ginarekomendar nga kaso.
Samtang, ginsiguro ni PNP Chief Police General Jose Melencio Nartatez Jr. sa mga pamilya sang mga biktima nga himuon sang kapulisan ang tanan agud makabaton sila sang hustisya.
