Ginpabutyag sang Office of the Building Official nga wala sang dako nga halit sa pribado kag pampubliko nga edipisyo sa Syudad sang Koronadal ang nagluntad nga 7.8 magnitude linog nga sang hunyo 8 2026.
Sa exclusive interview sang Rombo Radyo Koronadal kay Engr. Charlee Lapot sang Office of the Building Official, iya ginpahayag sang mga ini nga isa lang ka edipisyo ang tuman nga naapektuhan sang linog amo ang apat ka panalgan nga apartment sa bahin sang barangay Santa Cruz nga ginapanag-iyahan sang pamilya Ilao.
Suno kay Engr. Charlee Lapot nga gilayon nila nga gininspekyon ang mga pribado nga edipisyo, buluthuan, malls lakip na ang city hall pagkatapos sang mabaskog nga linog apang nakaangkon lang ang mga ini sang partially damaged kasubong sang pagkaguba sang kisame, pader, kag mga salog.
Sa subong ginaumpisahan na ang pag repair sang mga nagkalaguba nga mga bahin sang edipisyo.
Dugang pa niya dako nga hangkat sa ila opisina sa subong ang asod-asod nga request sang inspection sang tagsa ka commercial building bangud kulang ang ila tinawo sa opisina rason kung nga a asta subong may mga edipisyo pa sila nga wala nakadtuan.
Sa ulihi nangayo sang pag intindi si Engr. Charlee sa katawhan sa syudad kag nagpanagawan sa publiko nga mangin alerto kag kalmado sa tion sang linog agud malikawan ang mga disgrasya.
