Nagpahayag sang suporta si Pope Leo XIV sa isa ka temporaryo nga kasugtanan sa tunga sang Estados Unidos kag Iran nga nagatuyo nga tapuson ang kinagamo sa Middle East.
Sa isa ka interview sa Castel Gandolfo, Italy, nagpasalamat ang Santo Papa sa Diyos bangud nakahimo sang kasugtanan ang duha ka pungsod kag ginapaabot nga pormal ini nga pagtapna sa Biyernes.
Suno kay Pope Leo, mas maayo nga maresolba ang mga indi pag-uyon paagi sa dialogo kag negosasyon sa baylo nga mabalik sa kinagamo.
Nagalaum man ang Santo Papa nga ang amo nga kasugtanan mangin dalan sa katapusan sang tensyon sa rehiyon kag sa pagkab-ot sang kalinong.
Madumduman nga nangin kritikal si Pope Leo sa nagligad nga tensyon sa tunga sang Estados Unidos kag Iran, nga rason man sang pagpabatyag sang pamintas sa iya ni U.S. President Donald Trump.
Apang, padayon ang panawagan sang Santo Papa para sa malinong nga pag-istoryahanay kag paghiusa agud malikawan ang dugang nga kapintas kag pagkadula sang madamo nga kabuhi.
