Ginpasiguro sang Committee on Environment and Natural Resources sang Sangguiniang Panlalawigan sang South Cotabato nga nakatutok ang ila nga pamunuan sa operasyon sang mga minahan sa bahin sang banwa sang Lake Sebu, South Cotabato.
Suno kay BM Sarse Atam Jr,- Chairman sang Committee on Environment and Natural Resources sang Sangguiniang Panlalawigan sang South Cotabato ginpahayag sini nga nakatutok ang ila nga opisina sa operasyon sang coal mining activities sa banwa sang Lake Sebu sa diin lakip man sa monitoring sini ang mga kompaniya sang Daguma Agro-Minerals, Inc. (DAMI) kag Sultan Energy Philippines Corp. (SEPC) nga amu naman ang naga sub contract sang nasambit nga proyekto sang gobyerno nasyunal.
Dugang pa ni BM Sarse, ginatutukan man sang ila nga pamunuan ang mga concern sang mga residente sa lugar sa diin apektado man sang operasyon sang coal mining.
Ginpahayag man sini nga may mga rehabilitation project naman nga ginpatigayon sa lugar sa diin nasaksihan man mismo sang opisyal ang enektarya nga pananom agud nga makay-o liwat ang lugar kag nakita man sini ang mga developments sang mga naapektuhan sang mina.
Sang ulihi, ginpahayag sang opisyal nga padayon ang ila nga pag koordinar sa mga ahensiya sang gobyerno kag mga residente agud nga masiguro nga masunod ang husto nga pamaagi sa operasyon sini.
