Nagpabutyag sang pagkadismaya ang isa ka coach sa Palarong Pamabansa 2026 sa Agusan del Sur bangud wala sila ginpahanugutan mag-stay sa sulod sang billeting area upod ang ila mga atleta.
Sa exclusive interview sang Bombo Radyo Koronadal kay Coach Henry Dagmill, Athletics Coach sang Palarong Pambansa 2026, emosyonal niya nga ginpabutyag ang kasubo kag kasakit sa sitwasyon nga naeksperyensyahan sang iban nga trainers sa billeting arrangements sang delegasyon, kun sa diin may mga insidente nga gindumilan ukon ginapahalin sila sa quarters nga gin-assign para sa ila.
Para sa iya, ini mabug-at nga eksperyensya, labi na sa mga tawo nga nagaserbisyo kag nagasakripisyo para sa mga atleta para sa kompetisyon.
Bangud sini, ginpalab-ot man niya sa organisayson nga hatagan sang klaripikasyon kag mas maayo nga sistema ang mga trainers kag support staff sa masunod nga mga Palarong Pambansa.
Sa karon, wala pa sang opisyal nga sabat ukon pagpaathag ang mga organizers sang sang kompetisyon angot sa nasambit nga isyu.
