Ginsaulog sang South Korean singer kag Pambansang Krungkrung sang Pilipinas nga si Sandara Park ang 17th anniversary sang iya girl group nga 2NE1.
Sa iya Instagram account, ginpakigbahin ni Sandara ang picture niya kaupod ang iban pa nga mga myembro sang grupo nga sanday CL, Minzy, kag Park Bom.
Opisyal nga nag-debut ang 2NE1 sa idalom sang YG Entertainment sadtong May 17, 2009, kag nangin isa ini sa pinaka-maimpluwensya nga acts sa maragtas sang K-Pop. Lunsay man nangin madinalag-on ang apat ka mga myembro sini sa ila tagsa ka solo careers.
Sa mga pictures ni Sandara, makita ang mga yuhom sang tanan nga 2NE1 members apang ang mas nakakuha sang interes sang publiko amo ang pagtupaday nanday Park Bom kag Sandara bisan nga may indi paghangpanay sa tunga nila sang damlag lang.
Madumduman nga gin-akusaran ni Park Bom si Sandara nga nagausar ini sang iligal nga droga kag gin-usar sia para tabunan ini sadto. Ginpanas man niya ang post apang madasig ini nga na-screenshot kag na-upload sang fans sa nanuhay-tuhay nga social media platforms.
Ginpanginwala naman ni Sandara ang mga alegasyon batok sa iya paagi sa malip-ot nga post sa iya Instagram Story.
