Lakip ang Pilipinas sa 50 ka mga pungsod nga may mataas nga risgo sa pagsaka sang presyo sang pagkaon kun magapadayon ang pagsaka sang gasto sa enerhiya kag abono.
Suno sa Nomura Food Price Vulnerability Index, nagaranggo ang Pilipinas sa ika-21 sa 110 ka mga pungsod.
Gina-usar sang index ang mga GDP per capita, porsyento sang pagkaon sa household spending, kag net food imports bilang porsyento sang GDP agud masukod ang kaluyahan sang isa ka ekonomiya sa food price shocks.
Nakakuha ang pungsod sang score nga 100.7, nga ginabulubanta sang 2025 GDP per capita nga $4,270.
Sa 2023, ang pagkaon nag-asunto sang 37.3% sang total household spending, samtang ang net food imports sa 2024 katumbas sang 2.7% sang GDP.
Kabahin man , ang Montenegro, Libya, Tajikistan, Lebanon, Syria, Senegal, Bangladesh, Kyrgyz Republic, kag Venezuela ang ginkilala nga pinaka-exposed.
Sa 50 ka pinaka-vulnerable nga mga pungsod, 48 amo ang developing economies, nga may kabug-usan nga 4.7 bilyon ka populasyon.
