Temprano nga naglupad ang 50 ka mga delegado sang Miss Universe Philippines (MUPH) 2026 halin sa Manila padul-ong sa Misamis Occidental, para sa isa ka semana nga paglibot sa probinsya nga nagatuyo sa pagpakita sang dunang manggad kag turismo sang Northern Mindanao.
Suno sa mga organisador, ang pagbiyahe isa ka kahigayunan para sa mga kandidato nga makita ang “natago nga mga hiyas” sang probinsya – mga talan-awon kag mga atraksyon nga masami indi kilala sang mga lokal kag dumuluong nga mga turista.
Ang mga delegado una nga nagkadto sa Asenso Misamis Occidental Recreation and Adventure Park sa Sinacaban, nga nagapakita sang malapad nga kagulangan sang mangrove kag mga villa sa ibabaw sang tubig nga gin-inspirar sang Maldives.
Nagpadulong man sila sa Sapang Dalaga sa diin ila nakita ang Sapang Dalaga Falls, ang rebulto ni Christ the Redeemer sa Caluya Shrine, kag ang Caluya Floating Cottages. Lakip man sa itinerary ang Asenso Global Gardens sa syudad sang Tangub.
Magapabilin ang mga kandidata sa Misamis Occidental sa sulod sang isa ka semana, nga magatapos sa pag-anunsyo sang Top 10 semifinalists sa “The Main Event” nga hiwaton sa Bayfront Arena sa Sabado, Abril 25.
