Nagdangat sa P6.77 bilyon ang mga dalagkuan kag makaduluda nga transaksyon nga nag-agi sa mga bangko ni Vice President Sara Duterte kag sang iya bana nga si Atty. Mans Carpio halin 2006 tubtob 2025, kun sa diin nagapakita sang dako nga deperensya sa balor nga gindelkarar sini sa iya Statement of Assets, Liabilities, and Net Worth (SALN).
Suno sa Anti-Money Laundering Council (AMLC), ang P230.87 milyon nga transaksyon sang 2019 tubtob 2024, mga tion kun sa diin nagdeklarar si Duterte sang mga deposito sang kwarta sa iya SALNs.
Nag-submiter ang AMLC sang 630 Covered Transaction Reports (CTRs) kag Suspicious Transaction Reports (STRs) sa House Justice Committee sa ginpatigayon nga hearing kahapon, Miyerkules, Abril 22, 2026.
Ang mga gindeklarar nga kwarta ni Duterte ang halin P2 milyon tubtob P3.8 milyon sa iya nga SALN halin 2007 tubtob 2012 kag 2016 tubtob 2018, samtang ang iya net worth ang nagdangat sa P88 milyon sang 2024.
Apang, nagapakita ang mga datos sang mas mataga-as nga kantidad.
Ginpatigayon ang pagpaguwa sang mga bank transactions ni Duterte matapos ang subpoena sang House justice committee, nga amo ang nagadumala sa iya impeachment hearings bilang kabahin sang mga alegasyon sang indi mapaathag nga manggad ukon unexplained wealth sang Bise Presidente.
