Ginpasalig sang Department of Agriculture (DA) nga may yara pa sang bastante nga supply sang bugas sa Pilipinas agud masiguro ang pagpadayon sang P20/kilo rice program sang gobyerno.
Ini ang pahayag ni DA Spokesperson Arnel De Mesa matapos magguwa ang report nga wala na sang bugas nga mabakal, ilabi na sa pila ka outlets sa Cadiz.
Suno kay De Mesa, indi matuod ang mga report nga may kakulangan sa suplay sang bugas kag ginpahayag niya nga padayon ang pagbakal sang gobyerno kag ginpataas sang National Food Authority (NFA) ang buying price agud madugangan ang imbentaryo.
Gin-athag man sini nga may limitasyon lamang sa pila ka Kadiwa outlets, rason nga nagaguwa ang report nga wala sang supply sa pila ka buyers.
Suno sa opisyal, may mga Kadiwa sites nga may magagmay nga tyangge kag indi makapatigayon sang dalagko nga operasyon para sa madamo nga bumalakal.
Gindugang sini nga bisan may yara sang pagpanghangkat kaangay sang manpower, trucking, kag iban pa, padayon ang ila pag-develop sang programa agud nga mapadayon ang rollout sini.
