Ginpahinumdum sang Department of Labor and Employment sa tanan nga employers ang husto nga pasweldo sa Abril angot sa regular kag special non-working holidays kasubong sang Huwebes Santo (Abril 2), Biyernes Santo (Abril 3), kag Araw ng Kagitingan (Abril 9) bilang regular holidays, samtang ang Sabado de Gloria (Abril 4) bilang special non-working holiday.
Makabaton ang mga empleyado nga magaobra sa regular holidays sang double pay sa una nga 8 ka oras, dugang nga 30% kung overtime, kag double plus 30% kon rest day.
Ang wala nakatrabaho kwalipikado gihapon kon nagtrabaho ukon may leave with pay ang isa ka adlaw antes sang holiday.
Para sa special non-working holiday, “no work, no pay” ang prinsipyo, pero kon magtrabaho, may dugang 30% sa una nga 8 ka oras, 30% sa sobra, kag 50% sa rest day plus 30% kung overtime.
Tumong sang advisory sang DOLE nga masiguro ang patas kag husto nga pasweldo sang mga empleyado sa nagakaigo nga holiday sa Abril.
