Posible nga magsaka ang presyo sang mga produkto nga petrolyo sa madason nga semana bangud sang padayon nga tensyon sa Middle East, nga nagaapekto sa global nga presyo sang gatong.
Suno kay Atty. Rino Abad, Director sang Oil Industry Management Bureau, posible magsaka ang presyo sang pump fuels sa:
Diesel — P19.00/L
Gasoline — P9.00/L
Kerosene — P31.00/L
Ginahingyo sang ahensya ang mga oil companies nga amat-amaton ang pagsaka agud indi makibot ang mga motorista, suno kay Presidente Ferdinand “Bongbong” Marcos Jr., kag ginaplano man niya ang posible nga pagbuhin sang excise tax kun ang Dubai crude masobra sa $80/barrel.
Samtang, nagpagwa man sang pagpaandam ang DOE sa tanan nga oil companies kag gasolinahan nga sundon ang authorized price adjustments kag indi mag-hoard sang gatong.
