Ginpasiguro sang mga kapulisan sa probinsiya sang Cotabato nga bantay sarado sang mga ini ang kalinong kag katawhayan sang ila nga nasakupan agud nga ipasiguro ang ikaayo sang mga residente nga naga obserbar sang balaan nga bulan sang Ramadan.
Ini ang nangin pahayag ni PLt. James Warren Caang- Spokesperson sang Cotabato Police Provincial Office sa interview sang Bombo Radyo Koronadal.
Suno kay Caang nakabantay ang pwersa sang kapulisan sa mga banwa nga sakop sang ila nga probinsiya agud nga ipasiguro ang malinong nga pagpatigayon sang Ramadan sang mga utod nga mga muslim.
Dugang pa sini naka standby man ang mga augmentation forces sang mga otoridad sa tion nga kinahanglanon ang mga ini.
Nakabantay man sa subong ang mga otoridad sang entry kag exit points sa mga lugar nga boundary sang kada probinsiya.
Ginpahayag man ni Caan nga ang nagluntad nga mga panghitabo ang mga isolated cases lamang kag wala sang dapat nga ikabalaka ang mga residente bangud kontrolado sang mga otoridad ang sitwasyon sa lugar.
Nagapanawagan man ini sang kooperasyon sa tanan agud nga mapabilin nga luwas kag malinong ang pag-obserbar sang bulan sang Ramadan.
