Ginpahayag sang Malacañang nga indi matuod ang mga akusasyon sang pila ka kongresista nga may kahibalo si Pangulong Ferdinand Marcos, Jr. sa mga natanggap nga “kickback” sang pila ka mataas nga opisyal halin sa mga flood control projects.
Suno kay Palace Press Officer Usec. Claire Castro, natuman na sang Kamara ang ila mandato sa pag-imbestigar sa pagdadawit sa presidente sa isyu, kag sa proseso sang imbestigasyon, natukiban nga wala sang basehan ang mga akusasyon.
Ginpasalig ni Castro nga indi angay gamiton ang bisan ano nga paninira nga wala sang matibay nga basehan, bangud ini makahatag sang dako nga epekto sa pagsalig sang publiko sa gobyerno.
Wala man nakit-an sang Malacañang ang ginpahayag nga text message nga naga-link sa presidente kag kay anay Usec. Adrian Bersamin, nga ginpahayag nga “bagman” sang presidente.
Ginbutyag sang Malacañang ang handum ni Pangulong Marcos nga tutukan anay ang pagbangon sang ekonomiya sang pungsod, kag ipabilin sa mga ahensya ang responsibilidad sa pag-imbestigar sang mga impormasyon nga may kaangtanan sa flood control scandal.
