Masobra 17-K flight kag 6 katao ang napatay bangod sa malapnagon nga snow storm sa US

Masobra isa ka milyon nga residente sang mid-Atlantic kag South ang nawadaan sang suplay sang kuryente tungod sa mabaskog nga pag-ulan sang ice nga nagresulta sang daku nga epekto sa kadam-an nga bahin sang US.

Nagabot man sa 17,000 ka flights ang nakanselar samtang ginpatuman anay ang remote learning sa mga eskwelahan.

Nakarecord na ang mga otoridad nga anum ka tawo ang napatay tungod sa grabe nga katugnaw.

Ginpahamtang ni New York City Mayor Zohran Mamdani ang pahimangno sa mga pumuluyo nga indi na magguwa kag magpabilin sa sulod sang ila balay.

Suno sa National Weather Service, magapadayon pa ini nga snow storm sulod sa tatlo ka adlaw.