Wala pa sa gihapon nakabaton sang bisan ano nga impormasyon ang Department of the Interior and Local Government (DILG) kaangot sa pagbalik sa pungsod ni anay Department of Public Works and Highways (DPWH) Secretary Manuel Bonoan.
Suno kay DILG Secretary Jonvic Remulla, wala pa sila sang bisan ano nga komunikasyon kag wala pa man sila nagkaistorya sang anay kalihim.
Samtang, nagapadayon ang imbestigasyon kaangot sa ginaalegar nga mga iregularidad sa flood control projects sang gobyerno.
Ginpahayag ni Remulla nga wala sang sinuman ang exempted ukon indi pag-imbestigahan sa sini nga kaso.
Nauna na nga ginkumpirma sang Bureau of Immigration (BI) nga naghalin sa pungsod si Bonoan sang bulan sang Nobyembre padulong sa Estados Unidos agud updan ang iya asawa nga nagpaidalom sa isa ka medical procedure.
Suno naman sa Department of Justice (DOJ), tubtob Disyembre 17, 2025 lamang ang narekord nga pagbiyahe ni Bonoan sa luwas sang pungsod, kag sa kasamtangan wala pa sang ginapatuman nga legal nga pagdumili sa iya katungdanan nga magbiyahe.
