NFA stocks, nagtubo bisan sa tunga sang mga bagyo kag pagpatuman sang P20/kilo nga presyo

Nagtaas ang rice stockpile sang National Food Authority (NFA) bisan pa sa nagliligad nga mga bagyo kag sa ginpalapad nga pagpatuman sang P20-per-kilo nga rice program sang gobyerno.

Suno kay NFA Administrator Larry Lacson, ang “nakatingala” nga pagdamo sang stock nagdala sini sa 460,000 metric tons (MT).

”Bisan may mga kalamidad kag may pagpagwa sang bugas sa idalom sang ‘Benteng Bigas Meron Na’ mas madamo gihapon ang ginabakal naton nga bugas kaysa ginapaguwa. Amo ina nga may ara kita sang maayo nga buffer stock,” suno kay Lacson.