KORONADAL CITY – Nagdangat sa P1.7 Million nga balor sang illegal nga droga ang nakumpiskar sang mga otoridad sa tatlo (3) nga mga High-Value Individuals (HVI) sa ginpatigayon nga drug buy bust operation sa bahin sang Barangay Glamang, Polomolok, South Cotabato.
Ginpangunahan ang operasyon sang mga katapo sang Regional Police Drug Enforcement Unit 12 kaupod man ang RIU 12, PDEG SOU 12, Polomolok MPS kag PDEA 12.
Ginkilala ang mga nagkaladakpan nga mga indibidwal nga sanday alias “Moks”, 36 years old, wala sang trabaho, residente sang Brgy. Lagao, General Santos City; alias “Boyet”, 52 years old, driver, residente sang Brgy. Sinawal, General Santos City; kag si alias “Robot”, 50 years old, jobless, residente of Brgy. Dad. West, General Santos City.
Narekober sang mga otoridad sa paghinakop sang mga suspek ang pinakete sang mga ginapatihan nga illegal nga droga nga nagdangat sa 250 grams with a market value of ₱1,700,000.00, buy bust money kag isa ka Android phone, assorted wallets, IDs, approximately ₱800.00 in cash, jewelry, sling bags, kag iban pa nga personal nga mga kagamitan.
Sa subong, ara na ang mga nakumpiskar nga mga illegal nga droga sa otoridad kag natalana nga ipaidalom sa forensic examination kag usaron man bilang mga ebidensiya batok sa mga suspek samtang yara naman ang mga nadakpan nga suspek sa paghinakop sang Polomolok MPS.
Magapangatubang naman ang mga nadakpan nga mga suspek sa kaso nga paglapas sa RA 9165 ukon ang Comprehensive Dangerous Drugs Act of 2002.
