Aprubado na sang Department of Education (DepEd) ang dugang sweldo para sa private school teachers sa ilalum sang Teacher’s Salary Subsidy (TSS).
Gikan sa P18,000, mahimo na ini nga P24,000 sugod sa school year 2025-2026.
Ini nga tikang nagasunod sa mandato ni Pangulong Ferdinand Marcos Jr. sa iya State of the Nation Address (SONA), nga nagapabugal sang mas maayo nga kalidad sang edukasyon.
Suno kay Education Secretary Sonny Angara, ginalantaw subong ang kinahanglanon nga pantayan ang sweldo sang private school teachers sa public school teachers agud mapabaskog ang pagtudlo.
Ang TSS isa ka bahin sang Government Assistance to Students and Teachers in Private Education (GASTPE) nga nagasuporta sa full-time licensed teachers sa mga private nga eskwelahan nga kasapi sa Education Service Contracting (ESC).
Padayon nga nagapakig-angot ang national government sa mga lokal nga pamahalaan kag iba pa nga private education institutions para sini nga tuyo.
