Hulaton ni Police General Nicholas Torre III sa Rizal Memorial Sports Complex sa Manila si acting Davao City Mayor Baste Duterte para sa ila “boxing” for charity.
Ini ang ginpahayag ni Torre samtang nagahanas sang boksing kon sa diin nakahanda na ang venue para sa ila sambuwa sa Domingo.
Sabat ini ni Torre sa pahayag ni Senador Ping Lacson nga may isa ka executive sang isa ka resort casino hotel ang handa nga maghatag sang lugar para sa sambuwa nanday Torre kag Duterte.
Dugang pa sang Chief PNP nga may mga sponsor na para sa nasambit nga sambuwa nga handa mag-donate para sa mga naapektuhan sang kalamidad.
Ginhatagan pagtamod ni Torre nga magpakita man ukon indi si Baste, magapanagtag na lamang sila sang ayuda sa mga nahalitan sang bagyo kag baha.
Samtang, una na naguwa ang report nga nagpadulong sa Singapore si Mayor Baste.
