Patay ang indi magnubo sa 20 ka tawo kag sobra 170 ang pilason matapos magtibusok ang isa ka fighter jet sang Bangladesh Air Force sa isa ka buluthuan sa Dhaka.
Natabo ini sa Milestone School and College, isa ka pribado nga eskwelahan sa diin kadam-an sa mga biktima amo ang mga estudyante nga bag-o lang nakapauli.
Ang jet nga F-7 BJI, nga Chinese-made, yara sa training mission sang nagkaaberya.
Suno sa militar, ang piloto nga si Flight Lieutenant Towkir Islam, nga una lang nagsolo flight, gintinguha nga palayuon ang eroplano apang nagtibusok gihapon sa nasambit nga buluthuan.
Ang mga napilasan naga-edad walo tubtob 14 anyos, sa piyak nga bahin pito ka bangkay ang wala pa makilala.
Nagdagsa ang mga paryente sa balay bululngan samtang may mga blood donation drives man.
Nagdeklara na sang national mourning ang gobyerno, kag nagpahayag man sang simpatiya si Indian PM Narendra Modi.
