Isa ka Overseas Filipino Worker (OFW) nga babayi nga tubong Cotabato City ang gin-report nga gin-maaltrato sang iya amo sa Saudi Arabia.
Gin-kilala ang nasambit nga OFW nga si alyas “Sam,” nga amo OFW apat na ka beses na nagtrabaho sa nasambit nga pungsod.
Suno sa nangin interbyu sang Bombo Radyo Koronadal, naka eksperyensyar ini siya sang pagpang-abuso sa sulod sang balay sang iya amo.
Ginpahayag nga wala ini sang maayo nga tulogan bangud sa kusina ini nagatulog kag ginapunggan sa pagkaon.
Suno ka alyas “Sam’, bangud luyag sang amo nga magtipid, rason nga wala ini ginahatagan sang nagakaigo nga pagkaon.
Gindugang pa nga wala ginpakita sa iya ang iya kontrata nga anum ka kabataan kag mag-asawa ang iya atipanon sa balay, nga wala sang klaro nga oras ukon kondisyon sang trabaho.
Nagpalab-ot naman ini sa iya agnecy apang ginkwestyon lang ini sang recruitment agency nga nagpadala sa iya.
Suno saiya, ginpahayag sang agency nga tapuson ang tatlo ka bulan sang iya kontrata bisan may yara na sang reklamo apang asta subong, wala sang aksyon ang nasambit nga agency kag gin munohan pa nga butigon ang nasambit nga OFW.
Sa subong, nagapanawagan si alyas Sam sa mga otoridad, lakip na ang Department of Migrant Workers (DMW), nga luyag lang sini magpauli sa pungsod.
Sa subong, padayon ang monitoring sa isyu samtang ginahulat ang nagkalain-lain nga tikang sa mga nasambit nga ahensiya.
