Nag-sungka sang 20 lain lain nga klase sang loose firearms ang mga residente halin sa banwa sang Talitay, Maguindanao del Norte sa mga kasuldaduhan sang 1st Mechanized Battalion.
Suno kay Lt. Col. Robert Betita, pinuno sang 1st Mechanized Battalion, ang madinalag-on nga pagsungka sang mga armas-luthang resulta sang ginpahugot nga kampanya batok sa loose firearms sa bulig sang Small Arms and Light Weapons (SALW) management program.
Ang turn-over ceremony ginpatigayon sang Enero 18, 2025, sa Municipal Hall sang Barangay Poblacion, Talitay.
Lakip sang mga ginsungka nga mga armas-luthang amo ang: duha ka Sniper Rifle, pito ka M14 rifle , tatlo ka Garand Rifle, tatlo ka Grenade Launcher (40mm), isa ka Shotgun (12 Gauge), duha ka Cal. 38; Revolver, isa ka PisCal. 22; Revolver, kag iba pa nga mga bala.
Ang mga armas-luthang ginpresentar ni Lt. Col. Betita kay Col. Ricky Bunayog, ang Acting Brigade Commander sang 601st Infantry (Unifier) Brigade, nga ginatambungan man ni Hon. Sidik S. Amiril, Municipal Mayor sang Talitay.
Ara man sanday PCMS Gene Anni sang Talitay MPS; Vice-Mayor Hon. Datu Fahad Midtimbang; kaupod ang mga konsehal sang banwa, mga lider, kag iban pa nga mga opisyal sang LGU Talitay.
Una nga ginpahayag ni LTC Roden Orbon- tigpamaba sang 6ID PA nga padayon ang pagpangganyat sang ila nga pamunuan nga isungka na ang mga loose firearms sa otoridad agud mangin malinong ang bug-os nga South Central Mindanao.
Suno pa kay Orbon, nagabulig man sa ila ang mga municipal, city kag provincial officials sa Central Mindanao sa pag ganyat sa mga nabilin pa nga mga katapo sang terorista nga grupo sang Dawlah Islamiya kag Bangsamoro Islamic Freedom Fighters nga magbalik sa sabak sang gobyerno kag magpangabuhi sang malinong sa ila nga pamiya
