Arestado ang 19 anyos na lalaki sa isinagawang Joint Buy-Bust Operation ng mga awtoridad sa Purok 5, Barangay Poblacion 6, Midsayap, Cotabato kahapon lamang, ika-7 ng Enero 2025.
Kinilala ni PLTCOL REALAN EVANGELIO MAMON, hepe ng Midsayap Municipal Police Station ang naaresto na si alyas “ADING”, 19 na taong gulang, single at residente ng Poblacion 1, Midsayap Cotabato.
Ayon kay PLTCOL MAMON, bandang 4:15 ng hapon kahapon, nagsagawa ng joint buy-bust operation ang mga tauhan ng Midsayap MPS (Lead Unit) kasama ang PIU, PPDEU, RPDEU at RID12 Tracker Team Echo na nagresulta ng pagkadakip ng suspek. Nakumpiska ang mahigit dalawang gramo ng hinihinalaang shabu.
Mahaharap sa paglabag sa Section 5 at section 11 ng RA 9165 o Comprehensive Dangerous Drugs act of 2002 ang suspek.
