DepEd Secretary Sonny Angara dismayado sa pagbuhin sang P12 billion pondo sang ahensya

Dismayado si Department of Education (DepEd) Secretary Sonny Angara sa desisyon sang bicameral committee nga buhinan sang P12 billion ang ginaduso nga pondo sang ahensiya sa 2025.

Bangud ginbuhinan, yara na lang sa P737 billion gikan sa P748.6 billion ang na aprubahan nga pondo sang DepEd.

Kalakip sa gintapyas sang mga mamalidha ang P10 billion para sa computerization program nga magasuporta kun tani sa digital learning initiatives sang ahensiya.

Ang nangin akto sang kongreso suno kay Angara ang kabaliskaran sa nakaandan nga ginadugangan pa ang ginapangayo nga pondo sang DepEd.