KORONADAL CITY Vehicular accident ang nagluntad sa bahin sang Prk. San Miguel, Brgy. Paraiso, Koronadal City pasado alas 2:45 sang hapon kahapon sang November 21.
Ginakalakipan ini sang 3 ka salakyan isa ka Skygo motorcycle nga ginamaneho ni Carlito Bigno Jr., 32-anyos, nga taga baryo 5, Banga, South Cotabato, Isa ka pula nga Toyota Hilux pick up nga ginamaneho ni Larry Friales, 53 anyos nga taga Brgy. San Jose, Norala kag isa ka truck nga kargado sang mga LPG nga ginamaneho ni Mark Gonzaga, 33 anyos nga taga Brgy. Sajaneba, Sto. Niño.
Suno sa imbestigayon sang Koronadal Pnp traffic section pakadto sa direksyon sang koronadal ang pula nga hilux sang nabangga sini ang nga truck na may dala sang lpg nga pakadto sa direksyon sang banga ini ang nagin pahayag ni PMSgt. Leo Dimaculangan ang Koronadal PNP Traffic Investigator sa interview sang bombo radyo koronadal.
Suno kay Dimaculangan, madasig ang pagpadalgan sang nasambit nga hilux amo ang rason nga nabungguan sini ang isa ka truck sa opposite lane kag kalaunan nabungguan ang isa ka motorsiklo.
Nagapaayo man sa karon sa South Cotabato Provincial Hospital ang isa ka motorista matapos madamay sa vehicular accident.
Nagpahinumdom man sa tanan nga motorista si Dimaculangan nga maghalong halong ilabi na kung pasaka man ukon pababa ang dalanon agud makalikaw sa nasambit nga aksidente.
