Comelec ginpa-athag ang iregularidad sa pagsaka sang numero sang bag-o nga mga botante

Ginpa-athag sang Commission on Elections ang iregular nga pagsaka sang numero sang mga bag-o nga botante.

Suno kay Comelec chairman George Erwin Garcia, ang mga gin-isyu nga barangay certification of residency ang yara sa likod sang pagsaka sang bag-o nga mga botante sa pipila ka mga lugar.

Ginhimo ni Garcia ang nasambit nga pahayag matapos ginpahayag ni Cagayan de Oro First District Representative Lord Suan nga may iregularidad nga pagsaka sa numero sang mga bag-o nga botante sa Batangas, Makati kag Nueva Ecija.

Una nga ginpahayag ni Garcia sang Oktubre nga magalunsar sang imbestigasyon ang poll body pamaagi sa isa ka task force angot sa nasambit nga insidente.