KORONADAL CITY – Malinong kag matawhay ang pagkomemorar sang Todos Los Santos kag kalag-kalag sa bug-os nga Koronadal.
Ini ang nangin pahayag ni PLtCol Hoover Antonio sa hepe sang Koronadal CPS sa interview sang Bombo Radyo Koronadal.
Suno sa iya, wala sang mga anu man nga mga untoward incidents nga napagkit sa duha ka adlaw nga pagbisita sang mga tawo sa mga pribado kag pampubliko nga mga sementeryo sa diin napagkit ang naga dinaguso nga tawo nga naga dakot sang kandila kag naga bisita sa ila pinalangga sa kabuhi nga nagtaliwan na.
Nangin malinong man kag matawhay ang tagsa tagsa ka mga terminal sa diin may mga naga halin kag naga abot nga mga tawo.
Dugang pa sang opisyal ginplapta sang mga kapulisan ang mga pwersa sini sa bug-os nga syudad agud nga bantayan ang tanan nga mga residente nga makapuli sang luwas sa ila nga tagsa tagsa ka mga lugar.
May ginplastar man nga mga marching orders ang iya nga pamunuan sa tanan nga mga katapo sang Incident management teams makaligad nga na convene ang mga ini sa preparasyon sang seguridad sa tanan nga tion sang Nobyermbre 1 kag 2 sa mga pampubliko kag pribado nga mga sementeryo.
Ginpahayag man sini nga nga ang Incident Management Teams sang Koronadal ang gina komposar sang mga Pulis, BFP, CSU kag City Enro lakip na ang mga rescuers sang Koronadal
