Patay ang 43-anyos nga lalaki matapos ginaalegar ginluthang sang anay aktor nga si John Wayne Sace sa Pasig City kahapon nga adlaw sang Lunes.
Suno kay Eastern Police District officer-in-charge Colonel Villamor Tuliao, ginluthang ni Sace, 37, ang biktima samtang nagasugilanon ang mga ini sa bahin sang Feliciano Street, Barangay Sagad.
Lima ka basiyo sang bala ang nakuha sang mga imbestigador sa crime scene.
Nagpalagyo pa si Sace apang sang ulihi nadakpan sa isa ka motel sa amo nga siudad.
Nahibaluan nga sadto nabilanggo naman ang anay aktor sa kaso angut sa droga.
Nakilala si Sace sa mga serye nga “Wansapanataym”, “May Bukas Pa”, “Guns and Roses,” kag “Forevermore.”
Ginpakita man sini ang iya abilidad sa pag-arti sa Metro Manila Fil Festival nga pelikula sang tuig 2002 nga “Dekada ’70.”
