Padayon sa gihapon ang tribute halin sa mga fans kag music industriya pagtapos nagtaliwan ang 31 anyos nga dati nga singer sang sikat nga English-Irish pop boy band nga One Direction nga si Liam Payne matapos ini mahulog sa ikatatlo nga floor sang balcony room sa sia ka hotel sa Buenos Aires, Argentina sang Miyerkules, Oktubre 16, 2024.
Nagtipon-tipon sa gawas sang Casa Sur Hotel ang pipila ka mga fans kung sa diin nakit-an nga patay na ang singer para magahatag sang pagdalamhati sa singer.
Nag-alay ang fans sang singer sang isa ka vigil, nagsinde sang kandila kag ginpatugtog ang mga kanta sang One Direction.
Pipila man ka mga singer ang nagahatag sang ila nga pagdalamhati kalakip sini si British Singer Olly Murs kag Charlie Puth kag ang mga music industry bodies kalakip na ang streaming giants nga Spotify, MTW, Brit Award kag Amazon Music sa pagtaliwan ni Payne.
Suno pa kay Harry Styles, Zayne Malik kag Louis Tomlinson, amo ang iya kaupod man sa One Direction, nga ila gid ginakasubo ang pagtaliwan ni Payne.
