Sa palaabuton nga Oktubre 11, 2024, gina ekspektar nga may yara sang 151 Overseas Filipino Workers ang magpauli halin sa lebanon samtang padayon nga naga lunsar ang Israel sang airstrike sa Hezbollah.
Suno kay Migrant Workers Secretary Hans Cacdac, may yara sang 9 ka flights halin Oktubre 11 tubtob Oktubre 28 halin sa pungsod sang Beirut.
Ang pag kanselar sang outbound flight nga repatriation sang 15 OFWs bangud sa mga nilukpanay nga gakahitabo sa Beirut.
Sang nag ligad nga semana, ang Department of Migrant Worker gin-anunsyar nga may yara sang 3 sa mga OFW’s ang magauli sa palaabuton nga Oktubre 11, isa sa ila may yara sang medical condition, samtang ang 12 magaupod pa sa sunod nga 17 OFWs for repatriation sa Oktubre 22 bangud sa wala gin ekspektar nga nagkalahitabo.
Dugang pa ni Cacdac, 430 nga Overseas Filipino Workers kag 28 nga dependents na ang nakapauli na sa Manila halin pa sang naglunsar ang away sang Israel kag Gaza sa nagligad nga tuig sang Oktubre.
Suno man sa Department of Migrant Workers, may yara na sang masobra 100 OFWs ang naga hulat sang immigration authorities sa Lebanon bag-o sila mahatagan sang schedule for repatriation.
