Ginsalakay sang Israeli forces ang bureau sini sa Ramallah city sa West Bank nga nagamandu nga pasaraduhan ini sa sulod sang 45 ka adlaw, suno sa Al Jazeera TV.
Sa isa ka statement, ginakondenar sang Palestinian Journalists’ Syndicate ang amo nga tikang sang Israel sa diin ila ginpahayag nga ang arbitrary military decision ang makabig nga bag-o nga paglapas sa journalistic kag media works nga nagabuyagyag sang krimen sang pagpanakop batok sa mga Palestinian.
Sang tinalikdan nga Mayo sang gin-salakay sang otoridad sang Israel ang isa ka hotel room sa Jerusalem nga gingamit sang Al Jazeera bilang isa ka opisina matapos nga magdesisyon ang gobyerno nga ipasarado ang local nga operasyon sang AL Jazeera TV station sa diin ila ginapahayag nga pamahog ini sa nasyonal nga seguridad.
