-- ADVERTISEMENT --
Pilason ang madamo nga miyembro sang Hezbollah matapos ang nagluntad nga paglupok sa Beirut, Lebanon.
Suno sa imbestigasyon sang Iran-backed Lebanese militant group nga Hezbollah, may ara sang nag-“hacked” sang pager device nila sa banwa sang All Al-Nahrl kag Riyaq.
Dungan nga naglupok ang mga pagers sang Hezbollah members.
Gindala na sa nagkalain-lain nga ospital ang mga pilason nga Hezbollah members.
Ginatan-aw sang opisyal sang Hezbollah nga ini ang pinakadako nga security breach halin sang nagsugod ang giyera sa Gaza.
Wala pa naghatag sang komento ang Israel parte sa insidente, apang ginbalaan nila ang Hezbollah nga magahimo sila sang daku nga operasyon agud mapahalin ang mga militante nga mga grupo sa border.
