Naglab-ot sa 18 ka mga fire volunteer ang napilasan tungod sa pag-apula sa nagasunog nga apat ka palapag nga bodega sa Tondo, Manila.
Kalakip na diri ang 14 ka kalalakihan kag 4 ka babaye nga naghalin sa nagkalain-lain nga fire volunteer group.
Suno sa Bureau of Fire Protection (BFP), nag-antos sila sang first kag second degree superficial burns, kasagaran sa ila mga kamot kag nawong.
Napilasan manang iban sang may hinali nga nagsigabong sa ikaduha nga palapag sang building nga makita sa Guidote Street sa Balut, Tondo.
Gindala na sa ospital ang mga nasambit nga fire volunteer.
Nagsugod ang nasambit nga sunog sa mga 7:51 sang gab-i sang Huwebes, kag sa lapaw 24 ka oras, wala pa ini tigayon nga naapula.
Nabudlyan ang mga bumbero nga makasulod tungod kay isa lang ka pirtahan ang entrance sa building.
Ang mga stay-in nga empleyado nakaluwas pinaagi sa pagsugpon sang mga bayo kag iba pa nga tela agud makapanaog.
