KORONADAL CITY – Nagapanawagan sa subong sang hustisya ang pamilya Baliling nga taga- Libas Tantangan , South Cotabato makaligad nga nakapuli na ila nga puluy-an ang patay nga lawas sang ila nga himata nga napatay bangud sa pagpamuno sa bahin sang Brgy. Carpenter Hill, Koronadal city.
Sa interview sang Bombo Radyo Koronadal kay Nanay Vilma Baliling, iloy sang biktima, halos nga indi pa nila mabaton ang tanan nga wala na ang iya nga bata nga naga serbe nga breadwinner sang ila nga pamilya kag sang 2 ka mga kabataan sini.
Ginlaragway pa ni nanay Vilma nga maayo nga tawo ang iya sini nga bata kag masaligan sa panimalay bangud ini ang naga hatag sang nagapanguna nga kinahanglanon sang ila nga pamilya.
Nagapanawagan naman ini sa mga himata sang suspek nga buligan sila nga mapalubong ang iya nga bata nga napatay sa pagpamuno.
Madumduman nga nagluntad ang insidente pasado alas-2 sang kaagahon, Agosto 2, 2024.
Samtang nagakinasadya nagamaoy suno pa ang suspek kag nagapangita sang bikil gani nagkadto ang nanay sini kag ginguyod ang iya nga bata sa sulod sang ila balay.
Nangihi suno pa ang Nanay kadali bangud sa kakulba apang nagdalagan ang suspek kun diin ginbuno patay sini sang makaduha sang makaduwa ka beses ang biktima nga yara sa video k machine.
