KORONADAL CITY – Naalarma kag nagapaandam sa subong nga pamunuan sang Koronadal City PNP nahanungod sa serye sang pagpangawat nga nagluntad sa siyudad sa diin pila sa mga suspek ang wala pa nagkaladakpan kag padayon pa nga ginapangita.
Sa interview sang Bombo Radyo Koronadal kay PLtCol. Hoover Antonio, hepe sang Koronadal CPS, ginpahalong sini ang tanan nga mga residente sa Koronadal sa mga kawatan nga nagalagaw sa dis-oras sang kagab-ihon agud nga mangbiktima sang pila ka mga indibidwal.
Nagakaangay suno pa nga mangin mapagmatyag sa mga tawo sa palibot nga mahimo nga may malain nga tinutuyo kag dapat nga ereport man ini sa mga otoriada agud nga mapangitaan sang pamaagi sang tanan.
Ginpasiguro naman sang hepe nga ara ang mga kapulisan sa Koronadal agud nga magpanerbisyo para sa katawhan kag handa nga magsabat sa tanan nga pamaagi agud mapasangkad ang seguridad sa Koronadal.
