Saturday classes target sang Deped sa mga eskwelahan nga napaiway ang pagbukas sang klase

Ginatun-an na sang Department of Education (DepEd) ang paghiwat sang Saturday classes sa mga eskwelahan nga napaiway ang pagbukas sang klase para sa School Year 2024-2025 bangud sa epekto sang Bagyong Carina kag Habagat.

Suno kay DepEd Secretary Sonny Angara, katuyuan sini nga mabawi ang mga inadlaw nga wala sang klase agud makalagas sa leksyon ang mga estudyante.

Nahibaluan nga naglab-ot sa 841 ka mga eskwelahan ang atrasado ang pagbukas sang klase subong nga tuig. 2% lamang ini suno pa kay Angara sa kabug-usan nga numero sang mga eskwelahan sa Pilipinas.