KORONADAL CITY – Nagtakop na ang distribusyon sang Family Food Packs sa mga naapektuhan sang El Niño sa Syudad sang Koronadal.
Ini ang ginpahayag ni City Disaster Risk Reduction and Management CDRRMC Officer Cyrus Jose J.Urbano, kadungan sa ginpatigayon nga Monthly Press Conference sang lokal nga panggamhanan sang Syudad sang Koronadal.
Suno kay Urbano yara sa 23,000 ka mga pamilya halin sa 27 ka mga kabarangayan sa Syudad sang Koronadal ang nakabaton sang Family Food Packs matapos maapektuhan sang tuman nga halit tuga sang El Niño sa syudad.
Dugang pa ni Urbano nakapanghatag man sila sang yara sa 1,000 ka financial assistance damage to crops sa mga lokal nga mag-uuma sang Syudad sang Koronadal.
Sa karon preparardo na ang lokal nga panggamhanan sang Syudad sang Koronadal para sa posible epekto sang tig-ulolan ukon La Niña.
