Nagalab-ot sa dose (12) ka babaye kada adlaw ang nagakapatay bangud sa Cervical Cancer base sa datos nga ginpaguwa sang Department of Health (DOH).
Ini ang ginpahayag ni Ms. Mylene Bareng Seliote, Health Education and Promotion Officer (HEPO) 3 sang City Health Office sa interview sang Bombo Radyo Koronadal.
Suno kay Seliote, makabig kuntani nga preventable kag treatable ang ini nga balatian kun temprano nga matukiban apang kun mapabay-a mangin tunaan sang kamatayon sang sin-u-man nga makaangkon sini.
Dugang pa sini, sa bilog nga Pilipinas yara sa edad nga 14-anyos tubtob early 50’s ang nagaangkon sini base gihapon sa statistics nga ginpaguwa sangmg kumon nga infection nga nagatuga sang cervical cancer amo ang Human Papillomavirus (HPV) nga makuha paagi sa skin-to-skin contact ukon pagpakighilawas.
Wala sang may makita nga sintomas sa temprano pa nga stage sini apang kinahanglan nga magpaidalom sa screening agud ma-prevent kag mabulong pa.
Pila sa mga dapat nga tandaan sang mga babaye nga sintomas kun yara na sa secondar stage amo ang kasakit sa pagpakighilawas kag masami nga pag-bleeding.
Gani, ginarekomendar sang City Health Office nga magpaidalom sa HPV vaccination ilabi na sa mga bata pa agud nga malikawan nga makaangkon sang infection kag mahulog sa cervical cancer nga kun mapabay-an makapatay sang isa ka pasyente.
