Padayon nga nabawasan sa karon ang numero sang mga nabilin nga komunista nga grupo makaligad nga mapatay sa panibag-o nga operasyon ang isa ka mataas nga lider sang komunista nga terorista sa Sitio Kalogkog, Badiangon, Palimbang, Sultan Kudarat.
Ginkilala ni Lt. Col. John Paul Baldomar, Commander sang 37th Infantry (Conqueror) Battalion ang napatay nga si Joseph Longan, Alias Michael, Commanding Officer sang Beijing Platoon kag lakip sa mga high value target nga miyembro sang Communist Terrorist Group.
Narekober gikan sa nasambit nga suskpek ang isa ka granada, ila nga mga pagkaon kag personal nga mga gamit.
Gindayaw naman ni Major General Alex S. Rillera, Commander sang 6th Infantry Division kag Joint Task Force Central ang 37th Infantry Batallion kag mga operating units ang madinalag-on nga operasyon.
Kadungan sini padayon naman nga nagapanawagan si Baldomar sa mga nabilin pa nga mga terorista nga sila ang magbalik na sa sabak sang gobyerno.
Bangud sini nagdangat na sa 42 ang numero sang mga rebelde ang nagsurrender gikan sa una nga bulan sang subong nga tuig. Sa nasambit nga numero, 7 ang naaresto, 12 ang napatay samtang 23 ang nagbalik sa sabak sang gobyerno.
