KORONADAL CITY- Naghiwat sang operasyon nga Joint Effort ang mga otoridad sang South Cotabato agud nga maaresto ang pinaka-mastermind nga nag-ambush kay Lanao del Sur Governor Mamintal Adiong.
Kahapon, nadakpan na si Alias Commander Lomala sang mga otoridad sa Checkpoint sa T’Boli Probinsya sang South Cotabato.
Ginkilala ang suspek nga si Lomala Baratumo alias Commander Lomala, 42-anyos nga residente naman sang Bato-bato, Maguing, Lanao del Sur.
Kung mahibaluan, Alas 3 sang hapon kahapon sang nadakpan ang suspect nga si Alias Commander Lomala sa checkpoint operation sang 2nd South Cotabato Police Mobile Force Company nga ara sa Sitio Morales, Barangay Centrala, Surallah.
Ini ang nanginpahayag ni PCol. Cedric Earl Tamayo, provincial director ng SCPPO, sa ginhiwat nga presscon.
Suno pa sa iya, ginhungod sang suspek nga magtago sa probinsya bangud gina pangita ini sa Lanao Del Sur.
Dugang pa ni Tamayo, nga wala ini sang pamilya sa South Cotabato apang temporaryo ini nga nagdayon sa kaabyanan niya.
Kung madumduman, gin-ambush si Governor Adiong sadtong Pebrero 17, 2023 kung sa diin patay ang apat sini nga mga kaupod apang nakasalbar naman ang gobernador.
