KORONADAL CITY- May ginatumod na sa karon nga mga person of interest ang Isulan PNP sa nagluntad nga bus bombing sa isa ka unit nga double decker bus sang Husky tours sa Isulan Integrated Public Terminal sa Isulan Sultan Kudarat.
Ini ang ginpahayag ni PCol. Christopher Bermudez, Provincial Director sang Sultan Kudarat PPO sa interbyu sang Bombo Radyo Koronadal//Suno sa opisyal, yara sa lima kaa mga tao ang ginatan aw nga mga suspek sa nagluntad nga pagsigabong.
Kung madumduman, luwas sa naglupok nga eksplosibo, may isa pa ka narekober ang mga miyembro sang Explosive Ordnance Disposal o EOD team nga isa ka Improvised Explosive Device o IED sa sulod mismo sang bus nga gilayon naman nga naidetonate.
Sa karon, padayon ang ginahiwat nga imbestigasyon sang mga kapulisan agud matumod na ang posible nga motibo sang mga suspek.
Nahibaluan nga 7 ang napagkit nga pilason sa nasambit nga insidente nga sa karon kasamtangan nagapaayo sa Sultan Kudarat Provincial Hospital.
